Lukaku është blerja më e shtrenjtë në historinë e Interit

Romelu Lukaku buzëqesh dhe tifozët e Interit janë të çmendur pas tij. Sulmuesi belg, i cili u karkua edhe nga Juventusi është transferuar për shifrën e 65 milionë eurove, plus 10 bonus si dhe zotërimin e 10 për qind të kartonit në rast të një shitje të mundshme.

Në fakt ai do të jetë edhe sulmuesi më i shtrenjtë në historinë e zikaltërve. Në klasifikimin e kampionëve si Ronaldo, Vieri, Crespo, ai udhëheq listën e transferimeve, teksa ishte zgjedhja e parë për trajnerin Conte.

Menjëherë pas tij në renditje qëndron një tjetër bomber, Bobo Vieri, i blerë për 46.5 milionë euro nga Lazio në vitin 1999. Treshen më të mirë e mbyll Joao Mario, i transferuar për 40 milionë euro nga Sportingu i Lisbonës.

Më pas në listën e më të shtrenjtëve është Nainggolan (38 mln euro) dhe Barella me po këtë shifër, por që mund të arrijë në 49 milionë euro duke përfshirë bonuset, dhe të bëhet lojtari i dytë më i shtrenjtë. /R.Lika-Koha Jone/