Manduzkic nuk përfshihet për sfidën me Fiorentinën, drejt largimit

Aventura e Mario Mandzukic te Juventusi sa vjen edhe po bëhet më e paqartë. I mbetur jashtë listës së Champions league nga trajneri Sarri, sulmuesi kroat ka mbetur jashtë edhe për ndeshjen e nesërme ndaj Fiorentinës.

Mandzukic po mendon seriozisht për t’u larguar nga Torino, teksa është në kërkim të një destinacioni të ri. Hipoteza më e mundshme duket se është pista që e dërgon në Katar. Tani për tani nuk ka asnjë detaj për negociatat që po bëhen, por mos-grumbullimi për ndeshjen e radhës në kampinat të jep përshtypjen se largimi i tij është shumë pranë.

33-vjeçari duket se po tundohet nga ofertat e ardhur nga Katari, në mënyrë që të përfitojë një shifër të majme, në vitet e fundit të karrierës, teksa më parë ka mbyllur aventurën edhe me kombëtaren kroate. /R.Lika-Koha Jone/