Mbappe drejt Realit për një shifër të frikshme, thyhet rekordi i Neymarit

Mbappe ka bërë një paraqitje shumë të mirë në Kupën e Botës, teksa në ndeshjen e fundit shënoi dy gola ndaj Argjentinës.

19-vjeçari duket se do ta ketë të ardhmen te Reali i Madridit. Këtë ka bërë me dije në rrjetin social “Twitter” gazetari francez Baptiste Ripart i cili më parë kishte parashikuar rinovimin e Grizman dhe kalimin e Lemar te Atletiko Madrid.

Marrëveshja midis dy klubeve me financat shumë të fuqishme do të arrihet për shifrën e 272 milionë eurove, duke e bërë Mbappen si transferimin më të shtrenjtë të historisë së futbollit. Largimi i Ronaldos në drejtim të Juventusit do të linte një hapësirë të madhe në ekip, gjë që e bën Realin të hedhë sytë nga francezi.