Mbipopullim në krahun e djathtë, a ka vend për Dybala-n te Juvja?

Paulo Dybala mbetet në merkato. Nuk ka asnjë dyshim. Konfirmimin e ka dhënë edhe vetë drejtori sportiv i bardhezinjve, Paratici: “Ka interesime dhe diskutime”. Pozicioni i numrit 10 të Juventusit mbetet në dyshim. Nëse do të qëndrojë? A ka vend për të në formacionin 4-3-3? Kësaj përgjigje në fakt i është përgjigjur edhe vetë strategu bardhezi.

Spostimi në të djathtë- I vetmi për të cilin nuk ka asnjë dyshim është Cristiano Ronaldo, i cili do të luajë në të majtë të sulmit. Po Dybala? “Dybala mund të luajë si trekuartist, por mund të jetë edhe një sulmues në krahun e djathtë”. Në këtë mënyrë Sarri e shikon më shumë si një kandidatë për krahun e djathtë të sulmit, por ka një “por” ose më saktë dy …

Rivaliteti- Në këtë krahë në fakt ka një mbipopullim, pasi aty luan Douglas Costa dhe Federico Bernandeschi. Braziliani ka shkëlqyer gjatë miqësoreve të verës, duke rezultuar si futbollisti më në formë i skuadrës, ndërkohë edhe Bernandeschi ka bërë mirë në ndeshjet që është aktivizuar dhe gëzon gjithashtu një formë të mirë.

Nëse përsërit disa si ndeshja me Atleticon në Torino, për Dybala-n do të jetë shumë e vështirë për të gjetur vend në këtë krahë. Për Dybala do të jetë një sezon i vështirë edhe nëse qëndron, pasi deri më tani nuk ka asnjë sinjal se mund të luajë si qendërsulmues, ashtu siç bënte më parë te Palermo. /R.Lika-Koha Jone/