Mediat turke thumbojnë Skënderbeun: Beshiktashi do ishte kualifikuar!

Pas përjashtimit 10-vjeçar nga Kupat e Europës të Skënderbeut, mediat turke kanë shpërthyer ndaj ekipit korcar. “Milliyet.com.tr” ka shkruar se për faj të Skënderbeut, Beshiktashi nuk e kaloi fazën e grupeve të Europa League në vitin 2015-2016.

Në atë vit, ekipi turk ishte në grup bashkë me Skënderbeun, Lokomotivën dhe Sportingun e Lisbonës dhe u renditën në vendin e tretë.

“Në sezonin 2015-2016, Beshiktashi, Skënderbeu, Lokomotiva dhe Sportingu ishin në një grup. Dy ndeshjet e fundit që luajti Skënderbeu, ishin të paracaktuara, duke vendosur fatin e renditjes së grupit, paraprakisht”, thuhet ndër të tjera në materialin “Milliyet.com.tr”.