E KRYER/ Merr fund telenovela Icardi, huazohet te PSG-ja

Mauro Icardi mund të quhet futbollisti më i ri i PSG. Lëvizja finale ka ndodhur mbrëmjen e djeshme, teksa agjentja dhe bashkëshortja e tij, Wanda Nara ka udhëtuar në Paris për të mbyllur akordin. Ish kapitenin e Interit që pritet të largohet në huazim një vjeçar drejt kampionatit francez ose atij spanjoll.

“Më duhet të lëviz, pasi duhet të punoj deri në fund për zgjidhjen e kësaj situate. Janë në lojë dy skuadra, por asnjëra italiane. Ishte edhe opsioni Boca Juniors, por duket i pamundur momentalisht. Padia? Në rast largimi, padia bie menjëherë. Marrëdhëniet e mia me shoqërinë zikaltër janë gjithmonë e më të mira”, deklaroi Wanda para se të lërë studion e emisionit.

Leonardo është ofruar për të marrë Icardin në huazim me të drejtë blerjeje për shifrën e 70 milionë eurove, opsion ky i pranuar edhe nga Interi, por jo nga sulmuesi argjentinas, që kërkon vetëm huazimin një vjeçar.

Nga ana tjetër, në garë është edhe Valencia, por mbetet vetëm opsioni i fundit për Icardin, që nuk është se e ka me qejf të kalojë një vit në “Mestalla” dhe për më tepër, klubi spanjoll nuk bën dot asnjë lëvizje pa shitur më parë sulmuesin Rodrigo.