Mesi stërvitet në “shtëpinë” e Ronaldos për duelin ndaj Spanjës

Argjentina është duke u përgatitur për miqësoren ndaj Spanjës që do të zhvillohet të martën në mbrëmje. Lionel Mesi, ka kaluar dëmtimin dhe është duke u stërvitur me pjesën tjetër të ekipit.

Ai po stërvitet fort për të qenë në fushë qoftë edhe për disa minuta, ndërkohë që dy ditë më parë nuk u aktivizua asnjë sekondë në miqësoren që Argjentina fitoi 2-0 ndaj Italisë.

Kombëtarja argjentinase ka vendosur që përgatitjet për ndeshjen ndaj Spanjës ta kryejë në qendrën stërvitore të Real Madrid, aty ku çdo ditë stërvitet me skuadrën “merengues” edhe sulmuesi portugez Kristiano Ronaldo. Kjo ka tërhequr edhe vëmendjen e medieve që e kanë ndjekur nga afër stërvitjen e “Pleshtit”.