Milani arrin akordin me sulmuesin e Atleticos, mungon vetëm firma

Angel Correa do të jetë “ilaçi” i parë për Milanin e Gimpaolos, që e nisi me humbje sezonin e ri ndaj Udinieses. Mediat iberike raportojnë se futbollisti i Atletico Madrid nuk është stërvitur me pjesën tjetër të ekipit, teksa ka pasur një takim mes drejtuesve kuqezi dhe atyre të skuadrës madrilene për të gjetur gjuhën e përbashkët.

Milani ka ofruar 40 milionë euro dhe 30 për qind të shumës në rast shitje në të ardhmen, ndërkohë që kërkesa e “Los Colchoneros” është 50 milionë euro. Të dyja klubet kanë arritur akordin, teksa Boban ka arritur që të bindë mikun e tij Miguel Angel Gil që të ulë pretendimet.

Giampaolo në këtë mënyrë do të ketë në dispozicion, sulmuesin tjetër për të mbështetur Piatek, i cili ka harruar se si shënohen gola. Ai mund të formojë një trinom interesant me Suson dhe polakun. /R.Lika-Koha Jone/