Milani fiton duelin ndaj Juventusi dhe e lë jashtë Championsit (VIDEO)

Sporti E Diel, 28 Maj 2023 22:42

Milani në Champions League, ndërkohë që Juventus zyrtarisht jashtë saj për sezonin e ardhshëm. Kuqezinjtë fituan 1-0 në “Allianz Stadium” duke i dhënë goditjen e fundit skuadrës së Allegrit, që mbetet në vendin e 7-të pas dënimit me 10 pikë.

Skuadra torineze dominoi në 45 minutat e para, por nuk arriti t’i konkretizonte mundësitë. Milani ndërkohë shfrytëzoi rastin e parë që ju dha, duke realizuar me Giroud, i cili u tregua i saktë me kokë.

Në pjesën e dytë asgjë nuk ndryshoi, me bardhezinjtë që luajtën një lojë sporadike duke krijuar vetëm një rast të pastër në kohën shtesë. /R.Lika-Koha Jonë/