Miqësorja Skënderbeu-Dinamo, Tare shfaqet në stadium me Di Biagion

Ndeshja miqësore mes Skënderbeut dhe Dinamos. e luajtur sot në Korçë, kishte vizitorë me të vërtetë të veçantë në tribunë. Sfidën në fjalë e ka ndjekur në tribunën VIP edhe Igli Tare, ish-drejtori sportiv i Lacios.

Përkrah tij, ka qenë një emër tjetër i njohur i futbollit botëror. Luigi Di Biagio, ish-mesfushori i njohur i Italisë dhe më pas trajner i përfaqësues U21 dhe asaj A të “axurrëve”, është ulur përkrah Tares duke ndjekur së bashku duelin.

Ajo që të bënte përshtypje ishte fakti se ish-futbollisti i njohur i Romës dhe Interit gjatë gjithë kohës mbante shënime. Askush, përfshi edhe përfaqësues të klubit Dinamo, nuk kanë dashur të bëjnë komente për dy figurat e njohura të futbollit shqiptar dhe atij italian që po ndiqnin këtë sfidë dhe cilët ishin emrat që po monitoronin.