Modric dhe Lovren përfundojnë nën akuzë për dëshmi të rreme në Kroaci

Dy yjet e Kroacisë, Luka Modric dhe Dejan Lovren kanë përfunduar nën akuzë pasi dyshohet se kanë dhënë dëshmi të rreme më 13 qershorin e vitit 2017, e cila bëri më pas që katër persona të dënoheshin me burg.

Tre zyrtarë të Dinamos së Zagreb dhe një zyrtari tatimor u akuzuan se përvetësuan para nga shitja e mesfushorit te Tottenham në vitin 2008 dhe nga ajo e mbrojtësit te Lyon në vitin 2010.

Për këtë çështje, ish-drejtori ekzekutiv i Dinamos, Zdravko Mamic, e pësoi më rëndë. Për veprën përvetësim i paligjshëm i 15.5 milionë eurove u dënua me gjashtë vite e gjysmë burg, por u arratis për në Bosnje-Hercegovinë, aty ku edhe jeton aktualisht. Prokuroria vendosi ta rihapë dosjen dhe të akuzojë dy futbollistët për dëshmi të rreme.