Modric i dhuron Turqisë fanellën e Botërorit për ta nxjerrë në ankand

Tërmeti shkatërrues në Turqi preku miliona njerëz, ndërsa shifrat e viktimave ishin shumë tragjike, ku rreth 45 mijë vetë humbën jetët. Shumë njerëz të njohur, përfshirë sportistë të ndryshëm, kanë ndërmarrë nisma për të mbështetur të prekurit.

Sipas raportimeve nga mediet kroate Luka Modric i dhuroi ambasadës turke në Zagreb fanellën e kombëtares kroate që kishte veshur gjatë ndeshjes kundër Marokut në Kupën e Botës në Katar, për të mbledhur fonde me një ankand bamirësie.