Mourinho i “fiksuar” pas Perisic, bën gati 50 milionë euro për yllin kroat

Ivan Perisiç ishte protagonisti i fitores së Kroacisë në gjysmëfinalen ndaj Anglisë, pasi shënoi golin e barazimit dhe asistoi në golin e dytë, të shënuar nga Mandzukiç. Sulmuesi anësor i Interit mori komplimentet e gjithë botës së sportit për ndeshjen që zhvilloi, por ai që e “ngriti në qiell” kroatin, ishte Jose Mourinho.

Trajneri portugez së fundmi ka udhëzuar drejtuesit e merkatos së Manchester United, që të bëjnë gjithçka për të çuar në Angli kroatin. Verën e kaluar “djajtë e kuq” ofruan 45 milionë euro për kartonin e tij, por Interi refuzoi me urdhër të Spallettit. Këtë herë anglezët po përgatisin një ofertë prej 50 milionë eurosh, për të joshur zikaltrit.