Mungoi me Argjentinën, Barcelona reagon për dëmtimin e Mesit

Lionel Mesi po mban në ankth të gjithë tifozët e Barcelonës. Shqetësimet muskulore të argjentinasit kanë trembur drejtues të Barcelonës pasi tashmë është faza më e rëndësishme e gjithë sezonit.

“Pleshti” është kthyer në stërvitje me Barcelonën pas ndeshjeve miqësore me Argjentinën, ku ai nuk u aktivizua asnjë minutë kundër Italisë dhe Spanjës. Në një deklaratë zyrtare të klubit thuhet se ai sot ishte në gjendje të mirë fizike dhe ka stërvitur me skuadrën.

Të mërkurën trajneri Valverde kishte thënë se “nuk është një dëmtim” i rëndë për Mesin por mediat iberike shkruajnë se 5 herë fituesi i “topit të Artë” do pushojë deri mesjavën e ardhshme kur do të luhet ndeshja e parë çerekfinale në Champions Leagues.