Napoli përgatit gjobën për lojtarët dhe shkarkimin e Ancelottit

Tensioni te Napoli vijon të jetë i lart. Këtë mëngjes, pas rebelimit të djeshëm të lojtarëve për të qëndruar të grumbulluar, ata u stërvitën normalisht në Castel Volturno, por u kthyen më pas në shtëpitë e tyre.

Klubi anuloi rezervimin e hotelit ku duhet të qëndronin lojtarët deri ditën e diel dhe pasditen e së mërkurës reagoi mbi ngjarjen, duke paralajmëruar ndëshkime për ta: “Klubi do të mbrojë të drejtat e tij ekonomike, të imazhit dhe disiplinore në instancat përkatëse. Sqarojmë se trajneri ishte përgjegjës mbi ditët e grumbullimit”.

Pritet që futbollistët të marrin një gjobë të mirë, për sjelljen e tyre, ndërkohë që për trajnerin Ancelotti, përflitet se presidenti po sheh të gjitha rrugët për të gjetur kompromisin për ta shkarkuar.