Nedved flet për largimin e Dybalas: Kemi oferta…

Zëvendëspresidenti i Juventusit, Pavel Nedved ka konfirmuar se ka interesim për Paulo Dybalan.

Ylli argjentinas është lidhur me një kalim te Manchester United, Paris Saint-Germain dhe madje me një shkëmbim të mundshëm me Interin për Mauro Icardin.

Teksa mori pjesë në ceremoninë e hedhjes së shortit për sezonin e ri të Serie A, Nedved u pyet specifikisht rreth Dybalas.

“Ka disa propozime, ka interesim, por ne presim për veprime konkrete që të mund të vendosim më pas me qetësi”, tha ai.

Dybala nuk shijoi një sezon të mirë me Juventusin, prandaj edhe Maurizio Sarri nuk e ka në planet e tij.