Neymar i ofron numrin 10 te PSG, por Messi habit me vendimin e tij

Përvoja e re e Leo Messit te Parisi tashmë ka nisur. Lojtari tashmë ndodhet në kryeqytetin francez, ku përshëndeti tifozët që kishin nxituar për ta pritur. “Pleshti” do të ndryshojë jo vetëm kampionatin dhe shokët e skuadrës, por edhe numrin e fanellës.

Argjentinasi, në fakt, ka vendosur të mos marrë numrin 10, pavarësisht se Neymar, që e mban aktualisht, ishte gati për t’ia dorëzuar.

Messi, megjithatë, me shumë respekt, e falënderoi Neymarin për gjestin dhe iu përgjigj: “Nuk duhet të ma japësh mua”. Yllli argjentinas do të preferojë një mes numrave 19 dhe 30, që i ka përdorur në vitet e para si futbollist i Barcelonës.