Nga 0-2 në 3-2, Arsenali merr fitore spektakolare. Triumfon dhe Chelsea (VIDEO)

Arsenali ka arritur një fitore spektakolare 3-2 ndaj Bournemouth, por vetëm në sekondat e fundit, duke lënë tifozët me “zëmër në dorë”. Ndeshja nisi në “malore” për skuadrën e Artetës që e pa veten në disavantazh pas vetëm 9 sekondash lojë.

Billing përfitoi nga përgjumja e mbrojtjes së “topçinjve”. Arsenali nuk mundi të reagonte në 45 minutat e para, ndërkohë që në pjesëne dytë Senesi do të befasonte vendasit me golin e dytë për Bournemouth.

Vendasit do të zgjoheshin pas këtij goli, teksa do të përmbysnin thuajse gjithçka për 8 minuta, Partey rihapi sfidën në minutën e 62-të, ndërkohë që Ben Ëhite do të barazonte shifrat pas një aksioni të bukur nga Nelson. Rastet për Arsenalin ishin të shumta, ndërkohë që nuk munguan pretendimet për penallti në 3 raste. Në sekondat e fundit të shtesës së ndeshjes, Nelson do do të shënont një super gol me një goditje në hyrje të zonës.

Chelsea më në fund është rikthyer në rrugën e fitoreve, duke marrë një sukses 1-0 ndaj Leedës United. Golin e vetëm të ndeshjes e shënoi Fofana në minutën e 53-të të ndeshjes. Blutë e Londrës gjithsesi mbeten në vendin e 10-të me 34 pikë.

Tottenhami ndërkohë pësoi një humbje minimale 1-0 në transfertën ndaj Ëolves. 8 minuta nga fundi i kohës së rregullt, Adama Traore është rikthyer te goli në Premier League. Spursat pas kësaj disfate mbeten në vendin e katërt, por që do të kenë betejë të vështirë me Neëcastle dhe Liverpoolin. /R.Lika-Koha Jonë/