Nga ëndrra në realitet, Kosova është një “makineri” e pandalshme

Kur Kosova u pranua në UEFA dhe FIFA, shumë pak besonin se ata do të arrinin të merrnin rezultate pozitive për një kohë të shkurtër. Vedat Muriqi dy vite më parë deklaronte se kishte frikë se mos do bëheshin si San Marino dhe Malta.

Humbja e 9 tetorit të vitit 2017 nga Islanda është e fundit për “Dardanët”, që tashmë po shkruajnë historinë nën drejtimin e Bernard Challandes. Që nga ardhja e teknikut zviceran, Kosova numëron vetëm rezultate pozitive.

Në 14 ndeshje ka koleksionuar 9 fitore dhe pesë barazime, duke vendosur një rekord. Kualifikimi në një kompeticion madhor më parë ka qenë një ëndërr e madhe, por që tashmë ka shumë shanse që të realizohet. Futbollistët e Kosovës konfirmuan se dinë të dhurojnë spektakël edhe në ndeshje të mëdha.