“Nuk e shes as për 30 milionë euro”, presidenti mbyllë derën për largimin e bomberit të Kosovës

Fenerbahce i ka bërë një nisje të shkëlqyer këtij sezoni në Turqi, bashkë me të edhe sulmuesi i Kosovës, Vedat Murqi i cili po ndiqet nga afër nga skuadrat elitare europiane.

Presidenti i skuadrës turke, Ali Koç, ka folur për të ardhmen e sulmuesit, duke u shprehur se ai shpreson që Muriqi të qëndrojë në ekip të paktën edhe 2 vitet e ardhshme.

“Ende nuk është shpalosur më e mira nga Muriqi. Unë mund ta shes për 30 milionë euro, por nuk do e bëj. Nuk e blemë për ta shitur. Ai do të luajë të paktën 2 vite me këtë klub dhe do të bëjë gjëra të mira. Muriqi po luan në një klub shumë të madh”, – deklaroi Koç.

Muriqi shkëlqeu edhe në dy ndeshjet e fundit me përfaqësuesen e Kosovës, atë me Çekinë dhe ndaj Anglisë dhe për të janë interesuar skuadrat angleze të Manchester United dhe Tottenham Hotspur, po ashtu edhe Atletico Madrid dhe Lazio në Itali.