Nuk ka më “Pazza Inter” në “San Siro”, Conte heq himnin e famshëm

“Unë nuk dua një Inter të çmendur, mjaft me çmenduri. Unë dua një ekip të rregullt”. Frazat e Antonio Contes u tha në fillim të aventurës së tij në muajin korrik me Interin. Klubi e ka miratuar kërkesën e tij, duke hequr himnin “Pazza Inter” nga San Siro.

Dje në fitoren ndaj Lecces në prag të ndeshjes, himni i famshëm i klubit zikaltër nuk u luajt. Në stadium u vendos vetëm “C’è solo l’Inter”, himni i vjetër i ekipit, në nderim të Peppino Prisco.

Sipas “La Gazzetta dello Sport”, një vendim i marrë nga drejtuesit për të gjithë sezonin. Në hyrjen e futbollistëve në fushë, në “San Siro” nuk do të dëgjohen më notat e himnit të famshëm zikaltër. /Koha Jone/