Numërimi mbrapsht ka filluar për ekipin anglez, rrezikon shpërbërjen

Situata duket e pashpresë për skuadrën e Bolton Wanderers pasi ato duhet të gjejnë një financues të ri. Për “The Trotters” është dhënë afati deri në orën 17:00 të ditës së sotme për të gjetur një financues ose ato do të shpërbëhen si klub dhe si kompani.

Është një situatë dëshpëruese edhe për vetë tifozët të cilët e kanë mbështetur ekipin e tyre me një histori 145 vjeçare. Vetëm disa vite më parë Bolton luante në Premier League, kurse tani ka zbritur në kategorinë e katërt. Vetëm 11 vite më parë ato luanin kompeticionet elitare Europiane.

Disa prej sukseseve më të mëdha për anglezët ishin në vitin 2008 kur skualifikuan Atletico Madridin në raundin 1/16  të Uefa Champions League, pas barazimit në Vincente Calderon. Gjithashtu ata arritën të mposhtin Red Star Belgrade dhe i morën një barazim 2-2 Bayernit të Munich-ut.

Historia e tyre, megjithëse nuk ka përfunduar ende, është ndoshta një nga ngjarjet më shqetësuese të klubeve të Premier League në lidhje me keqmenaxhimin.