Osimhen drejt largimit nga Napoli, De Laurentiis piketon emrat për ta zëvendësuar

Victor Osimhen me shumë mundësi do të largohet nga Napoli në fundin e këtij sezoni. Presidenti Aurelio de Laurentiis po mendon seriozisht që të shesë sulmuesin, që të mbushë arkat e klubit.

Sulmuesi nigerian synohet nga Manchester United dhe Bayern Munchen, që janë të gatshëm të paguajnë mbi 100 milionë euro për të bërë të vetin lojtarin.

Ndërkohë që Napoli po mendon që tani për të gjetur zëvendësuesin e Osimhen. I pari në listë është romanisti Abraham, por po vëzhgohen me kujdes edhe Boniface i Saint-Gilloise dhe Hojlund i Atalantës.