Partizani, disa orë para ndeshjes Gaz Demi drekon me homologun norvegjez

Pak orë para ndeshjes së parë të Europa League, që do të Partizani do të luajë sot në Norvegji,  delegacioni i klubit të të kuqve, me në krye presidentin Gaz Demi, ka drekuar bashkë me zyrtarët e klubit dhe presidentin e Strømsgodset, Tom Saxegaard.

Pas drekës miqësore nga të dyja klubet janë shkëmbyer edhe dhurata me simbolet e të dyja klubeve. Në restorantin luksoz të Drammenit atmosfera ka qenë vëllazërore, sikurse Partizani është pritur mirë që pas mbërritjes në aeroportin e Oslos, nga ekipi kundërshtar. Nga ana tjetër, në kampin e kuq, nga ana e trajnerit Sul Starova  ka filluar mbledhja për të hartuar strategjinë përfundimtare të “betejës së parë” evropiane pas 7 vjetësh, për Partizanin.

Të kuqtë do të luajnë sot, ora 19.00, ndeshjen e parë me norvegjezët dhe një javë më vonë në Tiranë do të zhvillohet mes tyre edhe takimi i kthimit. Ndeshja në Norvegji nuk do të transmetohet nga asnjë kanal televiziv, pasi kështu kanë vendit organizatorët e këtij takimi, që janë pala norvegjeze.