Pasi siguroi Championsin, Milani transferon falas lojtarin japonez

Kualifikimi për në Championsin e sezonit të ardhshëm ka zhbllokuar merkaton e skuadrës së Milanit. Gazzetta dello Sport njofton se kuqezinjtë kanë bërë lëvizjen e parë, teksa bëhet fjalë për Daichi Kamada, mesfushorin me tipare ofensive që do të vijë nga skuadra e Frankfurtit me kosto zero për shkak të përfundimit të kontratës.

Futbollisti japonez është praktikisht lojtari më i ri i Milanit, 6 vite pas largimit të Keisuke Hondas. Fakti që ai mund të luajë si trekuartist, por dhe mesfushor e bëjnë atë si një xhol për skuadrën kuqezi.

Kamada në sezonin e fundit ka shënuar 16 gola në 46 ndeshje me Frankfurtin, duke pasur një rendiment të kënaqshëm. /R.Lika-Koha Jonë/