Perez jep aprovimin, Real në sulm për yllin e Botërorit

Momentalisht është golashënuesi më i mirë i Botërorit kur ka mbetur për tu luajtur dhe finalja mes Francës dhe Kroacisë. Bëhet fjalë për yllin e Anglisë Harry Kane i cili po vëzhgohet me kujdes nga Real Madrid.

Sulmuesi i Tottenham shihet si një zëvendësues i denjë i Cristiano Ronaldos, i cili u transferua tek Juventusi.

Përpara ndeshjes Belgjikë-Angli e vlefshme për vendin e tretë të Botërorit duket se sipas “DonBalon” presidenti Florentino Perez ka dhënë “OK” për sulmuesin shtatëlartë.

Po si pas të njëjtave burime ka qenë Perez i cili tani ka dhënë urdhër që të nisin tratativat me ekipin e Tottenham-it. Mendohet se në marrëveshje pritet të ofrohet Gareth Bale dhe një shumë parash.