Peruja e mbyll me “nder”, fiton me spektakël ndaj Australisë (VIDEO)

Peruja ka fituar 2-0 ndeshjen e tretë ndaj Australisë. Skuadra amerikano-latine ka dominuar, duke treguar se me pak kujdes mund të ishin ata që do të kishin kaluar në fazën tjetër.

Sulmuesi i Watford, Carillo zhbllokoi rezultatin në minutën e 18-të falë një goli spektakolare, pas një goditje shumë të bukur në hyrje të zonës.

Në pjesën e dytë peruanët shënuan edhe golin e dytë në minutën e 50-të të pjesës së dytë. Guerrero është treguar një vrasës i vërtet brenda zonës, teksa me një kthesë shumë të bukur ka arritur që të mposhtë portierin Ryan. Peruja e mbyll në kuotën e 3 pikëve, ndërkohë që Australia mbetet në kuotën e vetëm një pike. /Koha Jonë/