Pioli: Skuadra ime po më surprizon, Leao dhe Maignan fantastikë

Milani mori një fitore të mdhe 3-2 në derbin ndaj Interit. Trajneri i kuqezinjve, Stefano Pioli është shtë shfaqur mëse i lumtur pas ndeshjes.

“Skuadra më ka pëlqyer shumë. Djemtë vazhdojnë të më çuditin për dëshirën që kanë për të qëndruar bashkë dhe për t’u përmirësuar. Jam i lumtur.

Champions? Jemi rritur shumë nëpërmjet eksperiencës së grupeve të vitit të kaluar. Sot djemtë ishin të përqendruar te derbi, por megjithatë Salzburg është një ekip i rrezikshëm. Në Champions duhet të jesh i përgatitur, do të bëjmë gjëra të ndryshme në krahasim me sot.

Ajo që ka rëndësi është mentaliteti i skuadrës. Sot e kemi pritur Interin pak më shumë, në këtë mënyrë ia dolëm të qëndronim kompakt e nuk i dhamë shumë hapësira. E dija që do të luanin me dy sulmues të shpejtë. Sot u munduam t’i hiqnim thellësinë dhe ia dolëm.

Leao? Për t’u përmirësuar nevojitet talent dhe inteligjencë. Rafa i ka të dyja. Pastaj i duhet dhënë liria që të gabojë, ne mundohemi gjithmonë që ta vendosim në kushtet më të mira të mundshme. Ai është një armë e rëndësishme për ekipin, ka një mënyrë sjellje që të mashtron, por e di që nuk duhet të kënaqet me kaq. Një djalosh i cili ka lindur me këtë talent, duhet të shohë drejt majave.

Maignan? Nëse skuadra më çudit, Maignan nuk e bën këtë gjë. Është një person i jashtëzakonshëm. Nëse vitin e kaluar bëmë aq mirë, ishte për shkak se kemi lojtarë me cilësi dhe Maignan është një prej tyre”, tha Pioli.