Pirlo: Refuzova Chelsea-n dhe City-n, për t’u transferuar te Juventusi

Andrea Pirlo për pak javë do të mbushë 40 vjeç, por prej dy vitesh ka mbyllur karrierën në fushat e blerta. Në një intervistë të dhënë së fundmi për “Daily Mail”, ai ka treguar disa prapaskena në karrierën e tij, ndërkohë që i pyetur se si do ta mbajnë mend njerëzit ai e thotë qartë: Futbollist dhe njeri i mirë. Me klas brenda jashtë fushave”.

“Unë kisha mundësinë të vija me Carlo Ancelotti te Chelsea dhe pastaj te Manchester City, kur zgjodha Juventusin. Chelsea mendonte se isha pak i vjetër, 30 vjeç! Kur pata ofertë nga Manchester City, preferova të shkoja te Juventusi. Sigurisht, do të kishte qenë një përvojë fantastike në Angli, por jam i lumtur që vendosa të qëndroj në Itali.

Ronaldo? Ka edhe dy apo tri vite kontratë me Juventusin dhe pas kësaj është e mundur që të shkojë në SHBA, apo në një vend tjetër. Unë isha shumë i lumtur të luaja në Amerikë. Ishte një përvojë e rëndësishme për mua dhe për familjen time.

Isha i befasuar kur u bashkua me Juventusin, sepse është shumë e vështirë për ta marrë Ronaldon. Ai ka qenë shumë i rëndësishëm për Serie A, në sezonin e parë. Ka përmirësuar jo vetëm Juventusin, por edhe ekipet e tjera, krejt kampionatin. Ne shpresojmë që Ronaldo të jetë oguri i mirë dhe emra të tjerë të mëdhenj ta ndjekin atë”, deklaroi Pirlo.