Plas te Napoli, tifozët në protestë: Futbollistë mercenarë!

Tension i lartë jashtë stadiumit “San Paolo”, përpara stërvitjes së Napoli e hapur për të abonuarit. Jashtë hyrjes së impiantit ka shpërthyer tërbimi i rreth 150 ultrasve, që kontestonin skuadrën e Ancelotti, pas rebelimit në përfundim të ndeshjes së Champions League kundër Salzburg e vendimit për tu kthyer në shtëpi duke thyer grumbullimin.

Një parullë me shkrimin “Respekt!” u shpalos përpara vendit ku futeshin lojtarët. Mes koreve të kontestimeve më të përdorurat ishin ‘Meritojmë më shumë” e ‘Futbollistë mercenarë jeni ju’.

Ultrasit kanë kënduar “Vetëm fanella” e “Nxirrni në fushë të rinjtë”. Janë lëshuar tymuese e shashka. Në shënjestër kanë qenë lojtarët, por nuk është kursyer as presidenti De Laurentiis, duke filluar nga klasikja “Po fiton vetëm ti” që është tashmë një refren në “San Paolo” prej vitesh.