Plas te Reali, Ramos sherr me Marcelon në stërvitje

Atmosfera vijon të jetë aspak e mirë te Real Madrid pas eliminimit në Champions League nga Ajaxi. Prestigjiozja spanjolle “Marca” zbulon se ditën e djeshme ka pasur një përplasje mes kapitenit Ramos dhe Marselos. Shkak është bërë festimi i brazilianit, gjatë seancës stërvitore.

Braziliani që vlen shumë pak për trajnerin Solari, doli fitues në ndeshjen e kontrollit dhe në fund të saj shpërtheu me frazën: “Tani do të më thithni!”. Sjellja e tij nuk i ka pëlqyer Ramosit, i cili ka reaguar ashpër duke nxitur sherr.

U desh ndërhyrja e shokëve të tjerë të skuadrës për të shmangur një përplasje fizike mes 2 veteranëve. Ky tension nxjerr në pah atmosferën aspak pozitive që ka mbërthyer skuadrën madrilene.