Po bën namin në rrjetet sociale, Joao Felix kapet në një moment delikat

Në Spanjë një yll i ri po shkëlqen që në ndeshjet e para në La Liga. Bëhet fjalë për Joao Felix, i cili po tregon se e justifikon shumën prej 125 milionë eurosh të shpenzuar nga Atletico Madrid për shërbimet e tij nga Benfica.

I cilësuar si pasardhësi i Ronaldos, portugezi është bërë protagonist me një veprim që ka kryer ditën e djeshme në stërvitje. Pak para fillimit të seancës, 19-vjeçari ka urinuar në cepin e fushës teksa pamjet janë kapur dhe nga mediat iberike.

Më pas ai ka vijuar stërvitjen normalisht, por veprimi i tij ka bërë xhiron e botës në rrjetet sociale. /R.Lika-Koha Jone/