Po bën xhiron e botës, modeles që “pushtoi” finalen i vjedhin Instagramin

Liverpool triumfoi në finalen e Champions, duke siguruar trofeun e gjashtë, teksa mundi 2-0 në finale Tottenham-in. Në një ndeshje që mori kritika për nivelin e lojës, ishte aktorja 22-vjeçare amerikane, Kinsey Wolanksi, e cila rrëmbeu vëmendjen.

E veshur me bikini, ajo “pushtoi” fushën e blertë të stadiumit “Wanda Metropolitana” në Madrid, ndërkohë që po luhej pjesa e parë e finales. Vrapimi i saj në fushë shtangu futbollistët dhe të 68 mijë të pranishmit në shkallët e stadiumit.

Para finales, ajo kishte 110 mijë ndjekës në “Instagram”, ndërsa pas rreth 12 orësh, 22-vjeçarja ndiqej nga më shumë se 2 milionë persona. Kinsey Wolanksi nuk e shijoi gjatë këtë sukses. Pak pas mesditës së sotme, llogaria e saj në “Instagram” u hakua.

Me anë të një reagimi në Twitter, Kinsey Wolanksi ka konfirmuar se llogaria e saj është hakuar.