Po bën xhiron e botës, Sampaoli pyet Messin: A ta aktivizoj Agueron? (VIDEO)

Argjentina dje në mbrëmje mori një fitore 2-1 me shumë vuajtje ndaj Nigerisë, duke siguruar kalimin në fazën e 1/8-ve. Së fundmi janë publikuar edhe disa pamje të “TyC Sports”, duke kapur një moment mes Leo Messit dhe Jorge Sampaolit, që është bërë viral përmes rrjeteve sociale, brenda disa orëve.

Trajneri argjentinas duket duke e pyetur kapitenin e Albiceleste nëse duhet ta hedhë Kun Agueron në fushë. “A ta aktivizoj Kun?” pyet tekniku. Së fundi, lojtari i Manchester City u hodh në fushë në minutën e 80-të, në vend të Nicolás Tagliafico.

Kjo video do të shtojë edhe më shumë polemikat, se Messi përcakton formacionin te Argjentinën.