Pochettino e thotë hapur: S’e di a do të qëndrojë Eriksen!

Në vigjilje të ndeshjes së madhe mes Manchester City-it dhe Tottenham, një nga problemet që po trazon ambientin e “Spursave” është Christian Eriksen. Danezi nuk ka pasur një fazë përgatitore shumë të mirë, teksa shpesh herë trajneri Pochettino e ka lënë në stol.

“Nuk e di nëse do të qëndrojë te Tottenham. Puna ime është që të ndihmojë të gjithë futbollistët, t’i ndihmojë për të marrë drejtimin e duhur në karrierën e tyre. Për mua kohëzgjatja e kontratës nuk është e rëndësishme, nuk e lejoj vetën që të kushtëzohem nëse ka një apo 5 vite të mbetur a në kontratë”, ka thënë strategu argjentinas.

Eriksen është një nga futbollistët më të përfolur në merkato, teksa Juventus dhe Real Madrid janë dy prej ekipeve që kanë shfaqur më shumë interes. Pa rinovimin e kontratës gjatë këtij viti, skuadra angleze rrezikon që ta humbasë verën e ardhshme pa asnjë euro. /R.Lika-Koha Jone/