Pogba: Shantazhi influencoi mbi dëmtimet dhe rikuperimin

Kthimi i Paul Pogba te Juventus nuk ka qenë ashtu siç pritej. Mesfushori francez është mbytur nga dëmtimet në një sezon, me vetëm katër paraqitje në total mes Serie A dhe Europës. Një gju tradhtar në fillim, pastaj aduktorët që e mbajtën larg fushës numrin 10 të “Zonjës së Vjetër”.

Zbulimi vjen para gjykatësve, në një seancë për të dëshmuar për arrestimin e Adama Camara, një prej personave të akuzuar për tentativë zhvatjeje ndaj francezit.

Në të vërtetë, siç raportohet nga L’Equipe, Pogba është i sigurt mbi këtë hipotezë: “Ka pasur një ndikim të madh në trupin tim dhe në shëndetin tim. Madje influencoi edhe në rikuperimin tim nga dëmtimet që kam pësuar gjatë vitit të fundit”.

Pogba, i dobësuar mendërisht nga stresi që pësoi, pa trupin e tij të dorëzohej pikërisht në sezonin e rikthimit të tij të madh te Juventus.