Pogba: Te goli më ndihmoi mbrojtësi, rëndësi ka fitorja

Paul Pogba shënoi golin e fitores në suksesin 2-1 të skuadrës së tij ndaj Australisë. Duke folur pas ndeshjes për mediat, ylli francez është shprehur i lumtur që ekipi i tij mori 3 pikët e para.

“Mos harroni se ishte një ndeshje e Kupës së Botës. Këtu nuk ka ekipe të vogla. Australia ka bërë shumë mirë. Është një ekip i mirë. Do të jetë e tillë e gjithë Kupa e Botës. Ishte shumë e rëndësishme për të fituar ndeshjen e parë. Ishte e vështirë. Ne nuk u dorëzuam deri në fund. Në rastin e golit tim jam ndihmuar shumë nga mbrojtësi, por rëndësi ka që shkoi në rrjetë”.