Premtimi i Kutrones: Nëse i shënoj Juventusit, do të bëj …

Milani do të luajë nesër ndaj Juventusit në transfertë në super sfidën e kësaj fundjavë. Sulmuesi i kuqezinjve, Patrik Kutrone ëndërron një fitore të mundshme, madje ka bërë dhe një premtim nëse do të arrihet ky objektiv.

“Duhet të shkojmë në Torino për të luajtur si në muajt e fundit, me dëshirë për të fituar çdo ndeshje. Nuk kemi frikë. Do më pëlqente që të shënoja në “Juventus Stadium”, një gol të ngjashëm si ndaj Interit në Kupën e Italisë.

Ata kanë një skuadër të madhe, dhe një mbrojtje shumë të fortë. Në Kombëtare kam studiuar Bufon dhe Ruganin, do të mundohem t’i vendos në vështirësi. Nëse do të shënoj ndaj Juves, do të bëj 10 xhiro në fushë. Nëse do të arrijmë në Champions do t’i heq flokët dhe do t’i bëj zero”, ka thënë Kutrone.