Presidenti i La Ligas: Shpresoj që Ronaldo dhe Mourinho të rikthehen!

Presidenti i La Liga, Javier Tebas ka shprehur dëshirën që Cristiano Ronaldo dhe Jose Mourinho të kthehen në Spanjë, pas periudhave të suksesit me Real Madrid. Dyshja Portugeze provuan sfida të reja. Fituesi pesë herë i “Topit të Artë”, Ronaldo iu bashkua Juventusit verën e kaluar, ndërkohë që Jose Mourinho u kthye në Angli për të drejtuar Chelsea-n dhe Manchester United.

Duke folur për “Canal 11”, Tebas u shpreh: Do të doja që të ishin sërish në Spanjë Cristiano Ronaldo dhe Jose Mourinho. Ai është një trajner i shkëlqyer për të promovuar futbollin spanjoll.

Më pas ai u ndal te rivaliteti mes Ronaldos dhe Messit, që e kthehu La Ligan në një nga kampionatet më të ndjekur në botë.

“Mendova se largimi i tij mund të ndikonte më shumë për të qenë i sinqertë. Gjithsesi preferoj më shumë një La Liga me Ronaldon se pa të. Lojtarë nga Premier League nuk kanë fituar ‘Topin e Artë’ prej shumë vitesh, por sërish mbetet kampionati më i mirë në botë. Bëjnë një punë shumë të mirë në shumë nivele”, deklaroi Tebas. /R.Lika-Koha Jone/