Probleme me ndriçimin, ndërpritet për 35 minuta Tirana-Teuta

Ndeshja e parë e javës së dytë, mes Tiranës dhe Teutës është ndërprerë pas minutës së 25-të. Luhatjet e energjisë elektrike, kur sapo kishte nisur të binte muzgu, e detyruan kryesorin Hamiti të ndalonte lojën.

Të dyja skuadrat pritën gjatë për stabilizimit të projektorëve të ndriçimit, për të vijuar rregullisht ndeshja. Gjyqtari Hamiti, pasi mori konfirmimin e të dy kapitenëve, vendosi vijimin e lojës pas thuajse 35 minutash, ndonëse ndriçimi nuk ishte në cilësinë e duhur.