PSG e “përgjysmuar” sonte për duelin ndaj Real Madridit

Champions League vijon sot me të tjera duele shumë interesante. Sytë janë të gjitha nga përballja Paris Saint Germain-Real Madrid e cila jashtë fushave është zbehur nga mungesat e shumta në të dyja kampet.

Parisienët duken të çarmatosur teksa mungon treshja Mbappe-Cavani-Neymar, për shkaqe dëmtimesh dhe pezullimesh, megjithatë trajneri Thomas Tuchel beson tek kualitetet e tjera të skuadrës.

“Është e qartë që na mungojnë futbollistë sikur i mungojnë edhe Realit. Kam besim te lojtarët e mi dhe jam i sigurt që në fushë do të kem një skuadër që do të performojë mirë dhe do të dijë si ta verë në vështirësi Realin”, tha ai.