PSG mposhtet nga vendi i fundit në renditje

PSG i rekordeve në Francë ka marrë një rezultat surprizë këtë të premte në ndeshjen hapëse të kësaj jave, duke u mposhtur 2-1 nga vendi i fundit në renditje. Kampionët e Francës kaluan në avantazh në mesin e pjesës së parë me anë të talentit Mbappe, i cili realizoi pas një asisti nga argjentinasi Di Maria. Paçka se u mendua se kjo transfertë do të kthehej në goaleadë, nuk ndodhi aspak kështu, pasi vendasit përmbysën gjithçka. Goli i barazimit erdhi në minutën e 5 shtesë të pjesës së parë, ndërsa ai i avantazhit u shënua vetëm 2 minuta pas nisjes së pjesës së dytë. Pavarësisht humbjes, PSG mbetet në krye të renditjes me 27 pikë dhe me një diferencë të konsiderushme prej 8 pikësh nga vendi i dytë.