Pushtoi fushën në finalen e Championsit: Do ta mbyll karrierën 30 vjeç!

Kinsey Wolanski u bë e famshme në të gjithë botën, pasi hyri në fushë në finalen e Champions Leaguë në “Wanda Metropolitano”. Super modelja sipas mediave angleze ka përfituar 4 milionë euro në vetëm pak minuta nga ky veprim, teksa ajo po mendon që ta mbyllë shumë shpejtë karrierën si modele. Në një intervistë për “The Sun”, ajo rrëfen disa prapaskena.

“Kur të mbush 30 vjeç, kam përshtypjen se kem fituar aq shumë sa do dal në pension dhe pushtimi im i fushës në finalen e Champions-it do të më ndihmojë që të arrij këtë objektiv. Kam për qëllim që të bëj shumë më tepër për të shtuar ndjekësit e mi në Instagram.

Pasi u lirova, kalova nga 300 mijë ndjekës në mbi 2 milionë. Nuk mund ta blesh atë reklamë. Papritur u bëra e famshme në të gjithë botën dhe u rrethova nga oferta për punë. Nuk mendoj se i kam bërë keq askujt.

Familja? Sigurisht që nuk u tregova për atë që do të bëja, por a u surprizuan ata? Jo, mendoj se ata e dinë sesi jam unë. Babai u çlirua që unë mbaja një kostum rrobash banje kur hyra në fushë dhe nuk isha 100% nudo”, deklaroi Kinsey.