Qeveria po mban peng edhe futbollin, Superliga në kolaps

Liga Profesioniste u mblodh ditën e sotme për të marrë disa vendime për situatën e vështirë që ndodhet futbolli shqiptar.

Disa nga klubet e elitës, janë në një kolaps financiar dhe kjo ka bërë që të zhvillohet kjo mbledhje.

Zëvendëspresidenti i FSHF-së, Edvin Libohova, deklaroi para mediave: “Presim paketën ligjore nga qeveria dhe nëse vendimet aty nuk përputhen me kërkesat tona do të shohim si do veprojmë. Shtyrja e kampionatit është një opsion, por gjithsesi, duhet të presim draftin e qeverisë, gjatë këtyre ditëve, që më pas të dalim me vendimin tonë”.

Në mbledhje të pranishëm ishin presidentët e Teutës, Laçit, Tiranës, Bylisit dhe juristi i Partizanit, ndërsa të tjerët mungonin.