Reali fiton “El Clasicon” ndaj Barcelonës në merkato, transferon super talentin turk

Reali i Madridit fiton derbin spanjoll të merkatos me Barcelonën për futbollistin turk Arda Güler. Ka qenë një vendim i vetë talentit, i cili ka lënë pushimet në Bodrum për të përfunduar marrëveshjen.

Gjatë orëve të fundit, Reali i Madridit ndërhyri me prepotencë, duke e rritur ofertën nga 17.5 milionë, që ishte klauzola e largimit, në 20 milionë euro.

Madje klubi “merengues” ka pranuar që Fenerbahce ta mbajë 20% të kartonit në rast të rishitjes së futbollistit. Sipas gazetës “AS”, mungon vetëm firma që Guler të bëhet pjesë e “Los Blancos”.