Reali shmang turpin në fund ndaj Brugge, Atalanta humbet sërish (VIDEO)

Real Madrid vazhdon të vuajë në këtë sezon edhe në Ligën e Kampionëve. Los Blancos nuk kanë shkuar më shumë se një barazim 2-2 ndaj Club Brugge, duke komplikuar së tepërmi kualifikimin për në raundin tjetër.

Emmanuel Dennis do të bëhej protagonist në pjesën e parë duke shënuar dy gola. Mbrojtja madrilene ishte në gjumë total. Reali hidhet në sulm pas pushimit dhe ushtron presion ndaj belgëve. Në minutën e 55-të erdhi goli i parë i vendasve nga Sergio Ramos. Një gol që në fillim u dyshua për pozicion jashtë loje, por VAR e ka cilësuar të rregullt. Pas shumë tentativash, ishte Casemiro ai që shënoi golin e barazimit pak sekonda pasi kapiteni i miqve Vormer doli me karton të kuq nga fusha.

Atalanta ndërkohë ka pësuar humbjen e dytë, pasi është mundur në “San Siro” 1-2 nga Shahktar Donesk.