Reja: Më futen të dridhurat kur flas për Napolin, janë për titull

Trajneri i kombëtares sonë, Edoardo Reja ka dhënë sot një intervistë për “Radio Marte” duke analizuar momentin e skuadrës së Napolit.

“Napoli është e vetmja skuadër që më pëlqeu nga mbrëmja e Championsit së bashku me Slavia e Pragës. Luajnë një lojë harmonike dhe më të ndërgjegjshëm për forcën e tyre, e merituan fitoren ndaj Liverpoolit.

Loja? Çdo trajner ka në kokë logjikën e tij të lojës dhe më pas përpiqet që të hedhë në fushë një skuadër të ekuilibruar. Prioriteti i një trajnerit është të shohë kualitetin dhe karakteristikat e lojtarëve për t’i vendosur në dispozicion të modulit të lojës.

Titulli? Kampionati këtu vit mund të shkojë te Napoli, më futen të dridhurat kur flas për Napolin”, deklaroi Reja. /R.Lika-Koha Jone/