Renditja e FIFA-s/ Italia ngjitet në vendine  pestë, Shqipëria humb vende

FIFA ka përditësuar renditjen e përgjithshme të përfaqësueseve, e cila vijon të kryesohet nga Belgjika, ndonëse “djajtë e kuq” të Europës nuk arritën të lënë gjurmë në Euro 2020, duke u eliminuar nga Italia në fazën çerekfinale.

Skuadra belge ka shkuar në kuotën e 1822.37 pikëve, por tani Brazili i ka marrë vendin e dytë Francës dhe është afruar akoma më shumë me kreun, pasi ka vetëm 25 pikë më pak, ndërsa një rritje të ndjeshme ka regjistruar Italia Kampione Europe, që e sheh veten në vendin e 5-të me 1744 pikë.

Ka rënë tre vende më poshtë në renditje edhe Kombëtarja Shqiptare, që tani e sheh veten në vendin e 69 me 1359.83 pikë, teksa në këtë rënie ka ndikuar ndjeshëm humbja në miqësoren ndaj Republikës Çeke në muajin qershor.