Renditja e FIFA-s, Shqipëria në vendnumëro, Kosova ngjitje historike

FIFA ka publikuar ditën e sotme renditjen e re për muajin shtator të kombëtareve. Shqipëria vazhdon të ruajë pozicionin e 64-t në klasifikimin e ri pas humbjes ndaj Francës 1-4 dhe fitores ndaj Islandës, 4-2.

Kosova ndërkohë vazhdon ngjitjen në renditje, teksa tashmë zë vendin e 119, më i miri në historinë e ekipit të drejtuar nga Bernard Challandes. Ndryshime ka edhe në vendet e para, teksa Franca ka arritur që të fitojë një vend, duke u ngjitur në të dytin dhe duke spostuar në të tretin Brazilin.

Edhe Portugalia ka fituar një vend, duke u renditur në të 5-in, ndërkohë që Spanja ka bërë një ngjitje të madhe me dy vende (7-in). /R.Lika-Koha Jone/