Reshje të dendura shiu, shtyhet ndeshja Shqipëri-Finlandë

Ndeshja mes Shqipërisë dhe Finlandës, duhej të niste në orën 17:00, megjithatë në qytetin e Elbasanit kanë nisur reshjet e dendura të shiut, duke bërë që të jetë e pamundur të luhet në ato kushte.

Delegatët, kanë vendosur që të shtyjnë takimin me 30 minuta, duke vendosur që ndeshja të luhet duke nisur nga ora 17:30. Sasia e ujit në fushë dhe përreth saj e bëri të pamundur fillimin në orarin e parashikuar.